saKht jaan hai.n par hamaarii ustavaarii par na jaa
aise TuuTe.nge teraa iqaraar ban jaaye.nge ham

aur kuchh din baiThane do kuu-e-jaanaa.N me.n hame.n
raftaa raftaa saayaa-e-diivaar ban jaaye.nge ham

is qadar aasaa.N na hogii har kisii se dostii
aashnaa_ii me.n teraa mayaar ban jaaye.nge ham

miir-o-Gaalib kyaa ke ban paaye nahii.n faiz-o-firaaq
zam ye thaa ruumii-o-ataar ban jaaye.nge ham

dekhane me.n shaaKh-e-gul lagate hai.n lekin dekhanaa
dast-e-gul_chii.n ke liye talvaar ban jaaye.nge ham

ham chiraaGo.n ko to taariikii se la.Danaa hai 'Faraz'
gul hue par subah ke aasaar ban jaaye.nge ham

ye qurb kyaa hai ke tuu saamane hai aur hame.n
shumaar abhii se judaa_ii kii sa'ate.n karanii

ko_ii Khudaa ho ke patthar jise bhii ham chaahe.n
tamaam umr usii kii ibaadate.n karanii

sab apane apanee qariine se muntazir us ke
kisii ko shukr kisii ko shikaayate.n karanii

ham apane dil se hai.n majabuur aur logon ko
zaraa sii baat pe barpaa qayaamate.n karanii

mile.n jab un se to mubaham sii guftaguu karanaa
phir apane aap se sau-sau vazaahate.n karanii

ye log kaise magar dushmanii nibhaate.n hai.n
hamii.n ko raas na aa_ii.n muhabbate.n karanii

kabhii 'Faraz' naye mausamo.n me.n ro denaa
kabhii talaash puraanii raqaabate.n karanii

Kuch Is Tarha Shamil Hue Tum Zindagi Main
K Tujhe Sochte Rehna Meri Adat Bun Gayi.!.

vo mujhe mehndi lagay hath dikha kar roya

mujhe anjaam e mohabbat nahi mäloom hargiz

ye kaha aur mujhe seenay se laga kar roya

jo mujhe zabt ki talqeen kiya karta tha

vo zamänay ko mera haal suna kar roya

aansu ban kar nikal na jaun kahiN, is Dar se

apne ashkoN ko vo aankhoN mein chhupa kar roya

wasl ka aakhri lamha jo muyassar tha hameN

usi lamhay mein vo sadiyoN ko sama kar roya...

Bharosa tha mujhe tum par mukammal aaj se pehle

Riwayat azmanay ki kahan se seekh li tum ne

Mohabbat k ilawa kuch nahi tha teri ankhon main

Yeh nafrat ab zamane ki kahan se seekh li tum ne

Mere masoom sathi tu zara itna bata mujh ko

Mäharat dil dukhäne ki kähän se seekh li tum ne

mujh ko bhii shauq thaa naye cheharo.n kii diid kaa
rastaa badal ke chalane kii aadat use bhii thii

us raat der tak vo rahaa mahv-e-guftaguu
masruuf mai.n bhii kam thaa faraaGat use bhii thii

sunataa thaa vo bhii sab se puraanii kahaaniyaa.N
taazaa rafaaqato.n kii zaruurat use bhii thii

mujh se bichha.D ke shahar me.n ghul mil gayaa vo shaKhs
haalaa.Nke shahar bhar se raqabat use bhii thii

vo mujh se ba.Dh ke zabt kaa aadii thaa jii gayaa
varnaa har ek saa.Ns qayaamat use bhii thii

Hicthkiyun ka ajeeb lehja tha,Baat ko taal taal pocha hai

Tum mujhe chohr to na jao gey,Wastey daal daal pocha hai

Aansuoon ki zuban mein us ne,Jitna pocha kamal pocha hai

Kia kabhi mill sakein gay hum dono,Mujh se mera khayal pocha hai..,,!

TUM AA JAO