bohat bey chein karta hey mujhey barsat ka mosam..
barastey motyon wali ghaneri rat ka mosam..

umadd ata hey aise mein ye palkon ki munderon par..
sulagtey, dil jalatey, reshmin jazbat ka mosam..

teri qurbat mein khamoshi ka alam haye kya kehna..
kabhi na keh ke bhi keh janey wali baat ka mosam..

muhabbat lakh rang badley magar badla nahi ab tak..
tumhari jeet ka mosam, hamari maat ka mosam..

teri palkon ka jhukna surmayi se baadlon jesa..
jo uthein to badal dalein ye kaynaat ka mosam

508 chars (4 sms)