...muqader jab mukhalif ho
duain be-aser jain
sabhi manzar bikher jain
to esy main baghawat ki
kabhi koshish nahi kerty

kisi key sath chalny ki
kisi ke dil main basny ki
kabhi khuwahish nahi kerty

kisi ik shakhs ki khatir
sabhi se door ho jana
kahan ki yeh mohabbat hai?
mohabbat yeh nahi hoti
muhabbat dil main hoti hai

muhabbat aks hai rab ka
kabhi yeh mer nahi sakti
hamesha sath rehti hai
hamesha sath chalti hai

miley jo humsafr tum ko
usi key sath chalna tum
usey dharkan bana lena
usey dil main basa lena
mager qismet se larne ki
lakeron se ulhajhny ki
kabhi koshish nahi kertey
kabhi koshish nahi kertey