rashidfarooqz
com.jpg)
Age: 52 
4833 days old here
Total Posts: 16735
Points : 17
Location:
Askari Cement Wah, Near Wah Cantt, Pakistan
Status : Offline |
Muhabbat hum nahiN kartay ! tumhain aisa kyon lagta hai?
keh hum khud dhoondtay hein apnay rishton ko
Suno! kabhi aisa nahiN hota
tumharay aur mere chahnay se kuch nahi hota
keh sab rishtay,sabhi bandhan
kahin pehlay se rakhay hein
woh saray aanay walay pal
jo aakhir beet jatay hein
woh sab pehlay se rakhay hein
saray pal,sabhi rishtay,sabhi mousam
muhabbat bhi tau lamha hai,muhabbat bhi tau mousam hai
yeh kis ke dil pe utray ga
kahan per kab khulay ga,kon si galiyon main mehkay ga
na janay kon sa dil iss ke rangon main fana ho ga
na janay kon iss lamhay ko patay hi
ghani tareek galiyon ki musafat se raha ho ga
wazahat hum nahi kartay
muhabbat hum nahiN kartay
keh yeh tau jadoogarni hai
jo hum ko dhoond leti hai,hamain pehchan leti hai
kisi masroof kamray main parri bekaar cheezon se
yeh hum ko chaan leti hai
hamari ungliyon ke nakhnon main saans leti hai
kabhi jab zakhm khulta hai
bason aur daftaron ki bheer main bhi yeh
hamaray saath rehti hai,hamaray saath chalti hai
lahoo ki dhoop main chup chaap jalti hai
hina ki khusbo'on main jab utarti hai
hamari jaan leti hai
naye mousam,naye sooraj,sitaray aur khushboo
yeh hum ko soanp deti hai
koi aezaz jis ka maan rakhna farz hota hai
yeh hum per bojh banti hai
yeh hum per qarz hota hai
kahan kis per nichawar jaan karni hai
yeh chahat hum nahi kartay
Suno!
muhabbat hum nahiN kartay
no likes.
|