Muhabbat harf-e-aakhir hai

ye hai ik aisa jazba jo

zahoor apney mai maahir hai

zamanay mai udaasi bhi

muhabbat baant sakti hai

kisi k dil se nafrat ko

muhabbat chhaant saktii hai

muhabbat ba-wafa bhi hai

muhabbat dil’rubaa bhi hai

muhabbat kernay walon ko

muhabbat sey gilaa bhi hai

muhabbat mai jo hotey hain

gillay, wo sab muhababt hai

lagan , chahat , wafa’daari

ye saray dhab muhababt hain

muhabbat aaan jaisi hai

muhabbat maaan jaisi hai

muhabbat phool jaisi hai

muhabbat jaan jaisi hai

muhabbat jaan leti hai

muhabbat jaan deti hai

muhabbat sarfroshi ko

hamesha maan leti hai

muhabbat aik tabassum hai

jo pholon main bhi khilta hai

kabhi titlii k pankhon mai

kabhi mamtaa mai milta hai

muhabbat saans leti hai

muhabbat dekh saktii hai

muhabbat saath chalti hai

muhabbat rahh badalti hai

kisi ki shaadmaani ko

muhabbat soch saktii hai

ye saari zindagaani k

ghamon ko nooch saktii hai

muhabbat ik nageena hai

yea jeenay ka qreena hai

kabhi jo doob na paye

muhabbat wo safeena hai

jahaan k sab mazaahib main

muhababt ka taqaddas hai

yehi insaan k jazboon main

ataa’a sab se muqaddas hai

muhababt ka yea jazba ab

baraa pamaal hota hai

yea jis k dil mai bas jayee

bohat behaal hota hai

muhabbat kal b hotii thi

muhabbat aaj bhi hotii hai

magar apney muqaddar per

muhababt aaj bhi rotii hai