JunoN men shikwah e gham se gurez kerna hai
Keh haNs ke jo bhi ho score chase kerna hai

Nigaah-e lutf ke yeh silsile rahe na rahe
Bana lo runs keh powerplay rahe na rahe

Yeh wasle yaar ke sapne reheN raheN na raheN
Qadam crease meN apne reheN reheN na raheN

Mile Hayat nayee roz kiski qismat hai
Jo catch chhooT gaya bus wohee Ganeemat hai

Qadam barhaya tou tezi se ab guzarna hai
KahiN run out na ho jaao yeh bhi Drana hai

Rahe junooN meN bohat pech o Kham hai yaad rahe
Tumhara board pe score kum hai yaad rahe

Rah e tarab men qadam dekh ker uthana hai
Harek ball pe score bhee banana hai

Game zamanah bazid hai tumheN jakaRne ko
Slip men teen khaRe haiN tumhen pakaRne ko

RuKhe jameel ka dobarah view zaroori hai
Nazar pe shak ho tou fauran review zaroori hai

Bohat umideN lagee haiN tumharee zaat ke saath
Ke run banaao magar puree eHtyaat ke saath

Nigaahe shoKh ka teere nazar bhi sahna hai
Ke GogliyaN hi nahiN bouncer bhi sahna ha