Lash ehsaas ki sooli pe charrha di jaae,

Zehn ki jaameaa talashi ka bana kr qanoon,

Sochnay walo ko moqay pe saza di jaae,

Aarzu jo kray, deewano me krdo shamil,

Khuwab jo dekhay, usay jail dikha di jaae,

Roz khud soziyon se uthti hain, hm pr ungli,

Khud kushi jo kray, grdan hi urra di jaae,

Raah batlaane, madad krne ki aadat na parre,

Rasta poochnay pe qed barrha di jaae,

Log khushbu k taaqub me nikal prrtay hain,

Phool pr dekhtay hi goli chala di jaae,

Saans lene k bhi oqaat muqrar kr k,

Habs dr habs ko dozakh ki hawa di jaae,