Poetry by Waqar - Poetry / Ghazal Corner - Pakistan's Largest Infotainment Portal

GET your 100% PAKISTANI bumper sticker FREE now! Click here to order it online. FREE for all Members of Pak101.com!

Forums > Poetry / Ghazal Corner > Poetry by Waqar

2waqar Age: 34 4021 days old here Total Posts: 2325 Points : 35 Location: Karachi, Pakistan Status : Offline	Subject : Poetry by Waqar zaalim thaa vo aur zulm kii aadat bhii bahut thii majabuur the ham us se muhabbat bhii bahut thii us but ke sitam sah ke dikhaa hii diyaa ham ne go apanii tabiyat me.n baGaavat bhii bahut thii vaaqif hii na thaa ramz-e-muhabbat se vo varnaa dil ke liye tho.Dii sii inaayat bhii bahut thii yuu.N hii nahii.n mashhuur-e-zamaanaa meraa qaatil us shaKhs ko is fan me.n mahaarat bhii bahut thii kyaa daur-e-Gazal thaa ke lahuu dil me.n bahut thaa aur dil ko lahuu karane kii fursat bhii bahut thii har shaam sunaate the hasiino.n ko Gazal ham jab maal bahut thaa to saKhaavat bhii bahut thii bulavaa ke ham 'Ajiz' ko pashemaa.N bhii bahut hai.n kyaa kiijiye kam_baKht kii shoharat bhii bahut thii Like no likes.
	Posted on January, 17 2014 11:55:56 AM

2waqar

Age: 34

4021 days old here
Total Posts: 2325
Points : 35

Location:
Karachi, Pakistan

Status : Offline

zabaa.N suKhan ko suKhan baa.Nkapan ko tarasegaa
suKhan_kadaa merii tarz-e-suKhan ko tarasegaa

naye pyaale sahii tere daur me.n saaqii
ye daur merii sharaab-e-kohan ko tarasegaa

mujhe to Khair vatan chho.D ke aman na milii
vatan bhii mujh se Gariib-ul-vatan ko tarasegaa

unhii.n ke dam se farozaa.N hai.n millato.n ke charaaG
zamaanaa sohabat-e-arabaab-e-fan ko tarasegaa

badal sako to badal do ye baaG_baa.N varanaa
ye baaG saayaa-e-sard-o-samaa.N ko tarasegaa

havaa-e-zulm yahii hai to dekhanaa ek din
zamii.n paanii ko suuraj kiran ko tarasegaa

no likes.

Posted on January, 17 2014 11:57:05 AM

2waqar Age: 34 4021 days old here Total Posts: 2325 Points : 35 Location: Karachi, Pakistan Status : Offline	muhabbat kaa agar daawaa hai to is ko bachaao tum jo waadaa kal kiyaa thaa aaj wo waadaa nibhaao tum agar tum raam ho to phir ye raawan kaa chalan kyooN hai watan meN be-watan kyooN hai Like no likes.
	Posted on January, 17 2014 11:59:12 AM

2waqar

Age: 34

4021 days old here
Total Posts: 2325
Points : 35

Location:
Karachi, Pakistan

Status : Offline

zabaan-e-hind hai urdoo to maathe kii shikan kyooN hai
watan meN be-watan kyooN hai

merii mazloom urdoo terii saaNsoN meN ghuTan kyooN hai
teraa lehjaa mahakataa hai to lafzoN meN thakan kyooN hai
agar tuu phool hai to phool meN itanii chubhan kyooN hai
watan meN be-watan kyooN hai

ye naanak kii ye Khusro kii dayaa shankar kii bolii hai
ye diiwaalii ye baisaakhii ye iid-ul-fitr holii hai
magar ye dil kii dhaRakan aaj kal dil kii jalan kyooN hai
watan meN be-watan kyooN hai

ye naazoN se palii thii meer ke Gaalib ke aaNgan meN
jo sooraj ban ke chamakii thii kabhii mahaloN ke daaman meN
wo shah_zaadii zabaanoN kii yahaaN be_anjuman kyooN hai
watan meN be-watan kyooN hai

muhabbat kaa sabhii elaan kar jaate haiN mehfil meN
ke is ke waaste jazbaa hai ham_dardii kaa har dil meN
magar haq maaNgane ke waqt ye begaanaapan kyooN hai
watan meN be-watan kyooN hai

ye dosheezaa jo baazaaroN se iThalaatii guzaratii thii
laboN kii naazukii jis kii gulaaboN sii bikharatii thii
jo tahazeeboN kii sar kii oRhanii thii ab kafan kyooN hai
watan meN be-watan kyooN hai

no likes.

Posted on January, 17 2014 12:02:27 PM

2waqar

Age: 34

4021 days old here
Total Posts: 2325
Points : 35

Location:
Karachi, Pakistan

Status : Offline

zahaanato.n ko kahaa.N karb se faraar milaa
jise nigaah milii usako intazaar milaa

vo koii raah kaa patthar ho yaa hasii.n ma.nzar
jahaa.N se raastaa Thaharaa vahii.n mazaar milaa
koii pukaar rahaa thaa khulii fizaao.n se
nazar uThaaii to chaaro taraf hisaar milaa

har ek saa.Ns na jaane thii justajuu kisakii
har ek dayaar musaafir ko bedayaar milaa

ye shahar hai ki numaa_ish lagii huii hai koii
jo aadamii bhii milaa banake ishtahaar milaa

no likes.

Posted on January, 17 2014 12:04:09 PM

2waqar

Age: 34

4021 days old here
Total Posts: 2325
Points : 35

Location:
Karachi, Pakistan

Status : Offline

zahan pe chhaa_ii hu_ii Gam kii ghaTaa ho jaise
dard me.n Duubii hu_ii saarii fizaa ho jaise

ab dil-e-zaar kisii taur bahalataa hii nahii.n
is kaa paimaan-e-vafaa TuuT gayaa ho jaise

pursish-e-Gam kii bhii rasm uThaa dii us ne
haal-e-dil sun ke vo sharmi.ndaa huaa ho jaise

ab to har saa.Ns kii aamad pe gumaa.N hotaa hai
zindagii ek fasurdaa saa diyaa ho jaise

no likes.

Posted on January, 17 2014 12:05:35 PM

2waqar Age: 34 4021 days old here Total Posts: 2325 Points : 35 Location: Karachi, Pakistan Status : Offline	zahar-e-Gam kar chukaa thaa meraa kaam tujh ko kis ne kahaa ke ho badanaam mai hii phir kyo na mai.n piye jauu.N Gam se jab ho gaii hai ziist haraam bosaa kaisaa ye hii ganimat hai ke na samajhe wo lazzat-e-dushnaam Like no likes.
	Posted on January, 17 2014 12:07:01 PM

2waqar

Age: 34

4021 days old here
Total Posts: 2325
Points : 35

Location:
Karachi, Pakistan

Status : Offline

zaKhm-e-tanhaa_ii me.n Khushbuu-e-hinaa kisakii thii
saayaa diivaar pe meraa thaa sadaa kisakii thii
uskii raftaar se lipaTii rahii merii aa.Nkhe.n
us ne mu.D kar bhii na dekhaa ki vafaa kis kii thii

vaqt kii tarah dabe paa.Nv ye kaun aayaa hai
mai.n a.Ndheraa jise samajhaa vo qabaa kis kii thii

aa.Nsuo.n se hii sahii bhar gayaa daaman meraa
haath to mai.n ne uThaaye the duaa kisakii thii
merii aaho.n kii zabaa.n koii samajhataa kaise
zindagii itanii dukhii mere sivaa kisakii thii
aag se dostii us kii thii jalaa ghar meraa
dii ga_ii kis ko sazaa aur Khataa kisakii thii

mai.n ne biinaa_iyaa.N bo kar bhii a.ndhere kaaTe
kis ke bas me.n thii zamii.n abr-o-havaa kis kii thii

chho.D dii kis liye tuu ne "Muzaffar" duniyaa
justjuu sii tujhe har vaqt bataa kisakii thii

no likes.

Posted on January, 17 2014 12:08:22 PM

2waqar

Age: 34

4021 days old here
Total Posts: 2325
Points : 35

Location:
Karachi, Pakistan

Status : Offline

zaKhm jo aap kii inaayat hai is nishaanii ko kyaa naam de ham
pyaar diivaar ban ke rah gayaa hai is kahaanii ko kyaa naam de ham

aap ilzaam dhar gaye ham par ek ehasaan kar gaye ham par
aap kii ye meharabaanii hai meharabaanii ko kyaa naam de ham

aap ko yuu.N hii zindagii samajhaa dhuup ko hamane chaa.Ndanii samajhaa
bhuul hii bhuul jis kii aadat hai ik javaanii ko naam kyaa de ham

raat sapanaa bahaar kaa dekhaa din huaa to Gubaar saa dekhaa
bevafaa vaqt bezubaa.N nikalaa bezubaanii ko naam kyaa de ham

no likes.

Posted on January, 17 2014 12:09:26 PM

2waqar

Age: 34

4021 days old here
Total Posts: 2325
Points : 35

Location:
Karachi, Pakistan

Status : Offline

zaKhm ko phuul to sar sar ko sabaa kahate hai.n
jaane kyaa daur hai kyaa log hai.n kyaa kahate hai.n

kyaa qayaamat hai ke jin ke liye ruk ruk ke chale
ab vahii log hame.n aabalaapaa kahate hai.n

ko_ii batalaao ke ik umr kaa bichha.Daa mahabuub
ittefaaqan kahii.n mil jaaye to kyaa kahate hai.n

ye bhii andaaz-e-suKhan hai ke jafaa ko terii
Gamzaa-o-ishvaa-o-andaaz-o-adaa kahate hai.n

jab talak duur hai tuu terii parastish kar le.n
ham jise chhuu na sake.n us ko Khudaa kahate hai.n

kyaa ta'ajjub hai ke ham ahl-e-tamannaa ko 'Faraaz'
vo jo maharuum-e-tamannaa hai.n buraa kahate hai.n

no likes.

Posted on January, 17 2014 12:10:37 PM

2waqar

Age: 34

4021 days old here
Total Posts: 2325
Points : 35

Location:
Karachi, Pakistan

Status : Offline

zamaanaa aaj nahii.n Dagamagaa ke chalane kaa
sambhal bhii jaa ki abhii vaqt hai sambhalane kaa

bahaar aaye chalii jaaye phir chalii aaye
magar ye dard kaa mausam nahii.n badalane kaa

ye Thiik hai ki sitaaro.n pe ghuum aaye hai.n
magar kise hai saliqaa zamii.n pe chalane kaa

phire hai.n raato.n ko aavaaraa ham to dekhaa hai
galii galii me.n samaa.N chaa.Nd ke nikalane kaa

tamaam nashaa-e-hastii tamaam kaif-e-vajuud
vo ik lamhaa tere jism ke pighalane kaa

no likes.

Posted on January, 17 2014 12:11:54 PM

2waqar

Age: 34

4021 days old here
Total Posts: 2325
Points : 35

Location:
Karachi, Pakistan

Status : Offline

zamaanaa yaad teraa ai dil-e-naakaam aataa hai
Tapak pa.Date hai.n aa.Nsuu jab vafaa kaa naam aataa hai

vafaa tum se kare.nge dukh sahe.nge naaz uThaaye.nge
jise aataa hai dil denaa use har kaam aataa hai

akele karavaTe.n hai.n raat bhar bistar pe aur ham hai.n
kahaa.N pahaluu ko Khaalii dekh kar aaraam aataa hai

hasiino.n me.n basar kar dii javaanii 'Arzoo' ham ne
lagaanaa dil kaa siikhe hai.n yahii ik kaam aataa hai

no likes.

Posted on January, 17 2014 12:12:57 PM

2waqar Age: 34 4021 days old here Total Posts: 2325 Points : 35 Location: Karachi, Pakistan Status : Offline	mumkin hai ke tu jisako samajhataa hai bahaaraa.N auro.n kii nigaaho.n me.n wo mausam ho Khizaa.N kaa hai sil-silaa ehawaal kaa har lahajaa dagaraguu.N ae saalek-rah fikr na kar suudo-zayaa.N kaa shaayad ke zamii.N hai wo kisii aur jahaa.N kii tuu jisako samajhataa hai falak apane jahaa.N kaa Like no likes.
	Posted on January, 17 2014 12:14:02 PM

khuramms Age: 41 4739 days old here Total Posts: 5939 Points : 224 Location: Karachi, Pakistan Status : Offline	Nice poetry waqar .... per kahan se copy pasting ke hai aap ne ? Like no likes.
	Posted on January, 17 2014 12:35:16 PM

madihajamil

Age: 29

4002 days old here
Total Posts: 950
Points : 82

Location:
Sheikupora, Pakistan

Status : Offline

Fanna ker de apni sari zingdi Khuda ki mohabbat me

"Ay Insan"

Yehi wo wahid pyar hai jiss me bewafai nahi hoti

raza81 like this.

Posted on January, 17 2014 12:44:09 PM

2waqar Age: 34 4021 days old here Total Posts: 2325 Points : 35 Location: Karachi, Pakistan Status : Offline	Khurram ab ma koi shair tau hon nhi... Bas jahan se achi lagi aur Jis ki achi lagi wo copy kr li Like no likes.
	Posted on January, 17 2014 11:13:55 PM

SHAGIRDeIQBAL Age: 37 4495 days old here Total Posts: 11084 Points : 45 Location: Lahore, Pakistan, Pakistan Status : Offline	Siskiyun ki taal per hain Aarzooyen mehv e raqs, Kis qadar hy sooz meri zindagi k saaz main Like no likes.
	Posted on January, 19 2014 02:15:06 AM

SHAGIRDeIQBAL Age: 37 4495 days old here Total Posts: 11084 Points : 45 Location: Lahore, Pakistan, Pakistan Status : Offline	Tu kisi aur ke liye hoga samander-e-ishq faraz hum to rooz tery sahil se piyase guzar jaty hain Like no likes.
	Posted on January, 19 2014 02:17:51 AM

Rohama Age: 30 4491 days old here Total Posts: 9029 Points : 340 Location: karachi, Pakistan Status : Offline	Bahut Udaas Ha Koi Shaks Tery Jany Sa, Ho Seky To Lot Aao Kise Behany Sa, Tu Laakh Khuffa Sahi Magar Aik Baar To Dekh, Koi Toot Gya Hai Tery Jaany K Baad Like no likes.
	Posted on January, 19 2014 02:18:43 AM

Rohama Age: 30 4491 days old here Total Posts: 9029 Points : 340 Location: karachi, Pakistan Status : Offline	aise lage udas sare sham zindgi jaise kisi ki ka ho ilzam zindgi apne jahn mein dekh tere bad kch na tha hm ny lega de aj tere nam zindgi jis k bina mujhe yeh sans dobti lage ja kr usey b dhondh kisi sham zindgi ye pyar dard na ban sake jis k nashe mein pela dy mujh ko wohi jam zindgi Like no likes.
	Posted on January, 19 2014 02:22:05 AM

Rohama Age: 30 4491 days old here Total Posts: 9029 Points : 340 Location: karachi, Pakistan Status : Offline	Takhleeq-e-qainat ki ye reet b nirali hai ay dost jo ho na saky apna,muhabbat b usi se hoti hai Like no likes.
	Posted on January, 19 2014 02:23:41 AM

Reply Quote Selected

Reply to Topic