Us ko kabhi aati bhi nahin ho gi meri yaad,
Jis shakhs se har lamhaa mere dheyaa’n bache hain..

Ab kisi aur simt dekhta hoon,
Ab mera aasmaan nahin ho tum,

Ishq zinda rahe ga mera,
Haan magar jaavedaa’n nahin ho tum,

Yeh zameen, aasman, hamara dil,
Har jagha ho, kahan nahin ho tum,

Tum karri dhoop ka safar na sahi,
Haan magar saayebaa’n nahin ho tum,

Meri yadain tumhare sar per hain,
Jane man! be’imaan nahin ho tum,

Kis liye aap aap karte ho,
Mujh se gar bad’gumaan nahin ho tum..

Meri hasrat, meri mehroomiyan lauta do mujhe,
Mere aansu, mere maatam mujhe wapis kar do,

Jane waley se bas itna hi kaha tha mene,
Kuch na lotao mere gham mujhe wapis kar do,

Kyon yeh takraar si hone lagi “Main” ki jana’n,
Woh to hum tum mein tha, ik “Hum” mujhe wapis kar do,

Jitni khushiyan hain woh rakh lo meri janib se Wasi,
Meri aankhon mein chupey namm mujhe wapis kar do.

Mohabbton ke saheefay hain ya azaab koi,
Tere khatoot jala loon to chain aaye mujhe..

Tum ne ik umar kiya hai nazar’andaaz Wasi,
Aur ab dhoondte phirte ho saraabon mein mujhe,

Zaroob-o-taqseem Wasi ishq mein la’hasil hai,
Jaaney kyon khojtay rehte ho hisaabon mein mujhe.

Magar ik aur hadsha bhi hai mujh ko,
Main izhaar se
Iqraar se
khud rokay rakhta hai,
Ke mehke khawab bun’ne, khelne ka waqt hai uska,
Meri chahat
Kahin masoomiyat na cheen le uski,

Sadaa se hum ne dekha hai,
Mohabbat aadmi ko is’qadar sanjeeda karti hai,
Ke phir mehfil, tamashey, khel us ko bojh lagte hain,
Main darta hoon
Kahin yeh bhol’pan us ka,
Yeh har pal cheh’chihaana muskurana sab,
Meri izhaar se sanjeedgi mein na badal jaye,

Kahin us shokhh ko bhi rog koi,
Chup chaap na lag jaye,

Mujhe us se mohabbat hai,
Magar kese kahoon us se….

Tum gaye they to yeh dehleez na dekhi thi kabhi,
Aaj tum aaye to hum laut ke ghar aaye hain,

Jaane tanbeeha ki dhamki ke basharat hai koi,
Mere aangan mein jo tootay huye par aaye hain,

Ab hamain khauf hai jeeney ka na mar mitne ka,
Teri chokhat se jo aye hain to mar aye hain,

Baiy’n karti huyi aankhain, yeh pareshan zulfain,
Aur kya chahte ho us se mohabbat kar ke,

Phool to phool hain zakhmon ke bhi nakhre hain yahan,
Hum ne dekha hai bohat in ki ibadat kar ke,

Yeh kisi jabr pe honton ko siyaa karte hain,
Zulam karte hain woh zaalim ki himayat kar ke,

Dil ke sehraao’n ki veeraaniya’n jati hi nahin,
Teri yaadon ne bhi dekha yahan hijrat kar ke,

Woh mere hijr ko bhi khail samajhta hai Wasi,
Laut jaye ga kisi roz sharaarat kar ke..

Apne honton ki haraarat se jagaao mujh ko,
Yoon sadaaon se dam’e’subaah jagana kesa..

Zindagi baad tere hona thi mushkil lekin,
Yeh na socha ke is haal mein ajaon ga main,

Dekh kar us ko mujhe yad kare gi dunya,
Aik din us ke had’o’haal mein aajaon ga main,

Kitne mausam they jo de kar mujhe taanay guzre,
Tum to kehte they ke ik saal mein ajaon ga main,

Sur mein ajaye ga jeevan tere aa jane se,
Tere aaney se kisi taal mein aajaon ga main,

Chaand Niklay Tou Mera Jism Mehak Uthta Hai
Rooh Mein Utri Howi Taaza Mohabbat Ki Tarah

Teri Khatir Tou Koi Jaan Bhi Le Sakta Hun
Mein Ne Chaaha Hai Tujhe Gaon Ki Izzat Ki Tarah

Khul Rahi Hai Mere Daireena Masaail Ki Giraah
Mere Mahoul Mein Utra Hai Wo Barkat Ki Tarah

Ab Tere Hijr Mein Kuch Lutf Nahi Hai Baaqi
Ab Tujhe Yaad Bhi Kartay Hain Tou Aadat Ki Tarah

Tum Meri Pehli Mohabbat Tou Nahi Ho Laikin
Mein Ne Chaaha Hai Tumhain Pehli Mohabbat Ki Tarah

Wo Jo Aati Hai Tou Phir Lout Ke Jaati Hee Nahi
Tum Lipat Jao Kubhi Aisi Museebat Ki Tarah

Mere Dil Mein Koi Maasoom Sa Bacha Hai “Wasi”
Jo Tujhe Sochta Rehta Hai Shararat Ki Tarah

Is liye bhi teri tasveer jala di mene,
Aur kuch tha hi nahin dil ko jalane ke liye,

Tere baayess hi to saktay ka hai aalam taari,
Khud ko naraaz kiya khud ko mananey ke liye,

Aaj phir shaam guzari hai usi jungle mein,
Un darakhton se tera naam mitaney ke liye,

Mere ishq mein shayed koi kami huyi ho,
Tera hussn to ab bhi paagal kar deta hai,

Aesi lazzat kahin nahin milti, shayed woh,
Apna pyaar bhi chaaye mein hall kar deta hai,

Dil mera veeran hua to hasrat kesi,
Hijar ka zeher to daryaa ko thall kar deta hai,

Mujh ziddi ko rab bhi raazi na kar paye,
Lekin teri aankh ka kaajal kar deta hai,

Tere lamss ka jadu bhi kesa jadu hai,
Jiss ko chuu le us ko sandal kar deta hai,

Tera chahra har chehre per chaa jata hai,
Yeh manzar har manzar aujhal kar deta hai,

Aankh ke registaa’n ko teri yaad ka badal,
Chuu jaye to pal mein jal’thall kar deta hai..

Tu kabhi waqt per nahin pohancha,
Kis tarah tera aitbaar karain..

Na Meri Rooh Meri Hai Na Mera Jism Mera
Tera Wajood Tou Mujh Mein Utar Gaya Kab Ka

Wo Ik Shakhs Jo Sab Ko Sambhaalay Rakhta Tha
Tumhain Khabar Hee Nahi Hai Bikhar Gaya Kab Ka

TU Jis Ke Waadon Ko Dil Se Lagaye Baitha Hai
Wo Apni Baat Se Pyaaray Mukar Gaya Kab Ka

“Wasi” Mein Ishq Mein Ro Bhi Chuka Hun Mar Bhi Chuka Hun
Hudood-e-Jism Se Mein Tou Guzar Gaya Kab Ka

Ronqain lag gayi’n, roshni barh gayi,
Khawab jalte rahe, dhol bajta raha,

Kitne lachaar they, kitne be’bas they hum,
Hath milte rahe, dhol bajta raha,

Raqss they maseeha mere dam-be’dum,
Dil tarrapte rahe, dhol bajta raha..

hum hal bhi na bta saky usy khush dkh kr