Main titliyon k shehar mein
Rahoon to mujh ko fiker hai...
Wo phool jo khila nahi
Wo phool khil gaya to phir...?

Tujhe bhi kuch nahi mila
Mujhe bhi kuch nahi mila...
Tamam umer k liye
Ye dard mil gaya to phir...?

Main is liye to aaj tak,
Sawal bhi na kar sake...
Agar mere sawal ka
Jawab mil gaya to phir...?

Toot jatey hain khoon ke rishtay bhi
Ghaltiyaan do-chaar kar ke dekhna

Agar zindagi ka falsaffa samajhna ho
barish me kachchi dewaar kharhi kr k dekhna

Kaee janam beet jayein gay janaa
kabhi meri mohabbatein shumaar kr k dekhna

Dil ko samjhaya bahut ke hain wo mere nahi kisi aur ke,
Phirbhi bhi unko dekhte hi dil me dhakdhak si kyun hoti hai?

Pata hai wo aye hai par kisi aur ke bulane pe,
Phirbhi unke aane se kahi koi dastak si kyun hoti hai?

Najare mili thi meri unse aise hi anjane me,
Phirbhi unke najaro ki hi inayat si hoti hai?

Kiya nahi maine kabhi waqt ki barbadi fijul me,
Phirbhi unki baato ko sunne ki fursat si kyun hoti hai?

Haq nahi hai mujhe ke main dub jaun unke yaadon me,
Phirbhi unke labo ko chumne ki sararat si kyun hoti hai?

Hogi na wo meri kabhi agar mar bhi jaun unke intazar me,
Phirbhi usko bahoon me bharne ki hasrat si kyun hoti hai?

Hai wo mera hi yaar jo usse chahta hai dil o jaan se,
Phirbhi usko dekhte hi nafrat si kyun hoti hai?

Zar're K Ek Juzz Se Khula Raaz-e-
Kainat

Qatre Ki Wuss'ato'n Mien
Samundar Mila Mujhy,

Kitni Ajeeb Baat Hy Jo Chahta
Tha Main

Qismat Se Us Terha Ka Muqaddar
Mila Mujhy

Main Tha K Kaifiyat K Pardo'n Mein
Qaid Tha

Wo Tha K Har Lihaz Se Khul Ker
Mila Mujhy

Dunya Ki Wuss'ato'n Mein Usay
Dhoondta Raha

Lekin Khuda Meri Zaat K Andar
Mila Mujhy ... !!!

Ye dil kehta hai tere shehar mein kuch din theher jaon
Magar halaat kehtay hain k ghar jaon tou behtar hai

Dilon mein farq aayen ge taalluq toot jayen ge
Jo daikha jo suna us se mukkar jaon tou begtar hai

Yahan hai kon mera jo mujhe samjhe "FARAZ"
Main koshish kar kay ab khud he sanwar jaon to begtar hai..

Na tum meri taraf daikho ghalat andaaz nazron say,
Na meray dil kee dharkan larkara'ay meri baathon say,

Na zaahir ho tumhaari kushma-kush ka raaz nazron say.
Tumhain jo koi anjuman roktee hai paish qadmi say,

Mujhey bhi log kehtay hain kay yeh jalway para'ay hain.
Meray humrah bhi ruswa'eeyan hain meray maazi kee,

Tumharay saath bhi guzree hu'ee raaton kay sa'ay hain.
Ta'aruff rog ho ja'ay tau usska bhoolna behtar,

Ta'alluq bojhe bun ja'ay tau usska torna acha.
Woh afsaana jissay anjaam tak lana na ho mumkin,

Ussay ek khoobsoorat mor day kar chorna acha.
Chalo ek baar phir say ajnabi bun ja'ain hum dono . . .

Yeh masla ab ahal-e-mohabbat ka hai apna,
Mertay hain to kuch aap pay ahsaan nahin kertay,

Khat layain na layain tera hum naama bron ko,
Bus daikhtay rehtay hain paraishan nahin kartay,

Aisay bhi tou rakhtay nahin khanjar pay gulo ko,
Itna bhi to qatil ko pashaiman nahin kartay,

Kub shamain jalata hai shab-e-mah main koi,
Tu ayai tou ham ghar main charaghan nahin kartay,

Logon ko guman tuk nahin hota hay junoon ka,
Hum dil ki tarah chaak-e-garaiban nahin kertay,

Hum tuj kay chalay aatay hain yaaro dar-e-janan,
Ghalib ki tarah minnat-e-darban nahin kertay

Phir uss kay pyar ki raah mein, Dil-o-jaan ganwa baithay hain
Wo yaad buhot hiaatay hain jo hum ko bhula bathay hain,

Iss jurm ki mili hai saza aisi,
Hum un sey juda ho baithay hain.

Gham se ghabara ke Jo himmat chhod de,
Buzdili ki uski to pahchan hai !

Zindagi hai ek dariya dard ka,
Dard se khele wahi insan hai !

Khushali me sab yaha jee lete hai,
Ghum me jeena to alag ek shan hai !

Ham bana saktey hain khud takdeer ko,
Gham ham hi me josh ka elan hai !

Kahte hain eh waqt hai ek dhup chhaon,
Feer bhala kyon aadami hairan hai !

Khud ko Jo samjhe ki ham kamzor hain,
WO bahut nadan hai anjan hai !!

Na koi rishta hay tum se na koi talluk,
phir bhi na jane q mera man ban jate ho tum,

Me jo bhi likhta hon bat zara qarene se,
Mera geet meri shaira mera deewan ban jate ho tum,

Dil se jo nikalti hai, labon pe aa k dum tor deti hay,
Woh tamanna, wo hasrat wo arman ban jate ho tum.

Main lakh karon koshish tum se tark-e-tlluq ki,
Phir bhari mehfil main meri pehchan ban jate ho tum.

daam har mauj me.n hai halqaa-e-sad_kaam-e-nahang
dekhe.n kyaa guzare hai qatare pe gauhar hone tak

aashiqii sabr-talab aur tamannaa betaab
dil kaa kyaa rang karuu.N Khuun-e-jigar hone tak

ham ne maanaa ke taGaaful na karoge lekin
Khaak ho jaaye.nge ham tum ko Khabar hone tak

partav-e-Khuur se hai shabanam ko fanaa kii taaliim
mai.n bhii huu.N ek inaayat kii nazar hone tak

yak_nazar besh nahii.n fursat-e-hastii Gaafil
garmii-e-bazm hai ik raqs-e-sharar hone tak

Gam-e-hastii kaa 'Asad' kis se ho juz marg ilaaj
shammaa har rang me.n jalatii hai sahar hone tak

Mairi Khamosh Aankhon Say, Koi Qissa Na Kehna Tum
Mairey Khwabon Mein Sehra Hain, Mujhey Ab Mat Rulao Tum

Dukhon Ki Ikk Kahani Thi, Ussi Ka Aakhri Hissa
Bohat Arsey Say Jari Tha, Ussey Ab Mat Dohrao Tum

Mairey Viraan Kamrey Mein, Teri Tasveer Abb Bhi Hai
Ye Abb Kamrey Ka Hissa Hai, Issey Abb Mat Hatao Tum

Mairey Jaaney Ki Baaton Per, Kabhi Woh Hansta Rehta Tha
Mairey Jaaney Ki Raaton Mein, Ussey Ab Mat Hansaao Tum

Tumhaari Diary Ke Aakhri Auraaq Mein Main Tha
Safhey Yoon To Na Phaarro Tum, Mujhey Yoon Na Mitaao Tum

Kahin Sehra, Kahin Saahil, Kabhi Mitti, Kabhi Paani
Mujhey Jo Cheezein Bakhsheen Thi, Usi Say Ghar Banao Tum

Wahin Per Hoon, Main Waisa Hoon, Ab Aaey Ho To Ruk Jana
Thakan Ki Dastaan Apni, Mujhey Abb Mat Sunaao Tum.