Aaiyye haath uthaaein hum bhi
Hum jinhein rasm-e-dua yaad nahi
hum jinhein soz-e-mohabbat k siwaa
koi butt, koi Khudaa yaad nahi

Aaiyye arz guzarein k nigaar-e-hasti
Zehar-e-imroz mein shireeni-e-fardaa bhar de
Wo jinhein taab e garaan baari-e-ayyaam nahi
Unn ki palkon pe shab-o-roz ko halkaa kar de

Jinn ki aankhon ko ruKh-e-subh ka yaara bhi nahi
Unn ki raaton mein koi shama munawwar kar de
Jinn k qadmon ko kisi rah ka sahara bhi nahi
Unn ki nazron pe koi raah ujaagar kar de

Jinn ka deen pairawi-e-kizbo-riyaa he unn ko
Himmat-e-kufr mile, jurrat-e-tahaqeeq mile
Jinn k sar muntazir-e-taigh-e-jafaa hein unn ko
Dast-e-qatil ko jhatak daine ki taufeeq mile

Ishq ka sirr-e-nihaan jaan tapaan he jiss se
Aaj iqraar karein aur tapish mit jaaye
Harf-e-haq dil mein Khataktaa he jo kante ki tarah
Aaj izhaar karein or Khalish mit jaaye

* WHEN i remember my sins , i say
* a sin when i commt, i say
* when i fear torment , i say
...
i seek ALLAH:S fprgiveness

Mein Doobta Hu Samandar Uchaal Deta Hy...