Forums > Songs & Lyrics > Ronaq-e rahguzar hai tanhaai,
  • Page 1 of 1
  • 1
Naqvi


Age: 31 Male
1871 days old here
Total Posts: 4038
Points : 233

Location:
attock, Pakistan

Status : Online
Subject : Ronaq-e rahguzar hai tanhaai,
Ronaq-e rahguzar hai tanhaai,
phir meri humsafar hai tanhaai. !

Chaand kyon mand padta jata hai,
tu hai ya baam par hai tanhaai. !

Kya maseehaa’on ko talaash karen,
zakhm ki chaaragar hai tanhaai. !

Shaam-e ghum odh kar hi so jaao,
shaam-e ghum se udhar hai tanhaai. !

Kirchiyon se bhi aks chunti hai,
sangdil kis qadar hai tanhaai. !

Jinke mehmaan hon shab ke andeshe,
aise logon ka ghar hai tanhaai. !

Lamha bhar ko hai saath saans’on ka,
aur phir umar bhar hai tanhaai. !

Jaane kis ki talaash mein ‘Mohsin
aaj kal dar-ba dar hai tanhaai. !!

no likes.

Posted on February, 10 2018 07:59:56 PM


Naqvi


Age: 31 Male
1871 days old here
Total Posts: 4038
Points : 233

Location:
attock, Pakistan

Status : Online
Jis ki qismat hi dar-ba dar thahre,
woh bujha chaand kis ke ghar thahre. !

Umar guzri sanwaarte dil ko,
kaash woh dil mein lamha bhar thahre. !

Usey kya poochhna safar ki thakan,
jis ki manzil hi rahguzar thahre. !

Uski qeemat, azaab sooraj ka
woh sitaara jo taa-sahar thahre. !

Uski aankhen udhar gayi hi nahin,
log kya kya na mod par thahre. !

Hum se kaisa hasad hawa-e safar,
hum toh gard-e raah-e safar thahre. !

Jhuk ke choome na kyon falak ‘Mohsin
jab sinaa par kisi ka sar thahre. !!

no likes.

Posted on February, 10 2018 08:00:16 PM

  • Page 1 of 1
  • 1