Forums > Songs & Lyrics > Jin par sitam tamaam qafas ki fizaa ke the,
  • Page 1 of 1
  • 1
Naqvi


Age: 31 Male
1871 days old here
Total Posts: 4038
Points : 233

Location:
attock, Pakistan

Status : Online
Subject : Jin par sitam tamaam qafas ki fizaa ke the,
Jin par sitam tamaam qafas ki fizaa ke the,
mujrim woh log apni shikast-e anaa ke the. !

Ae dasht-e khaar hum se hisaab-e karam na maang,
paanv mein aable the magar ibtedaa ke the. !

Lab pe sajaa liye the yun hi ajnabi se naam,
dil mein tamaam zakhm kisi aashna ke the. !

Patton se bhar rahe the hawaaon ki jholiyaan,
girte hue shajar bhi sakhi intehaa ke the. !

Gahre samandaron mein kahan aks-e aasmaan,
paani mein jitne rang the saare khalaa ke the. !

Ab dhool odhna bhi mayassar nahin jinhe,
waaris woh ahl-e dil kabhi arz-o samaa ke the. !

Jin se ulajh rahi thi hawaa’on ki shorishen,
Mohsin’ woh daayre toh mere naqsh-e paa ke the. !!

no likes.

Posted on February, 10 2018 07:58:55 PM


Naqvi


Age: 31 Male
1871 days old here
Total Posts: 4038
Points : 233

Location:
attock, Pakistan

Status : Online
Wus’at-e chashm-e tar bhi dekhenge,
hum tujhe bhool kar bhi dekhenge. !

Hijr ki shab se hausle apne,
bach gaye toh sahar bhi dekhenge. !

Raat hone do, log sone do
chaand ko dar-ba dar bhi dekhenge. !

Ek duaa dil se chhup ke maangi thi,
us duaa ka asar bhi dekhenge. !

Ek puraana safar toh khatm hua,
ek nayi rahguzar bhi dekhenge. !

Gin toh lene do be’kafan laashen,
be’sadaa baam-o dar bhi dekhenge. !

Chhed kar dil ki raakh ko ‘Mohsin
ab ke raqs-e sharaar bhi dekhenge. !!

no likes.

Posted on February, 10 2018 07:59:14 PM

  • Page 1 of 1
  • 1