Forums > Songs & Lyrics > Anokhi waza hai saare zamaane se niraale hain,
  • Page 1 of 1
  • 1
Naqvi


Age: 31 Male
1871 days old here
Total Posts: 4038
Points : 233

Location:
attock, Pakistan

Status : Online
Subject : Anokhi waza hai saare zamaane se niraale hain,
Anokhi waza hai saare zamaane se niraale hain,
ye aashiq kaun si basti ke yaa rab rehne waale hain.

Ilaaj-e-dard mein bhi dard ki lazzat pe marta hun,
jo the chaalon mein kaante nok-e-sozan se nikaale hain.

Phalaa-phoola rahe yaa rab chaman meri umeedon ka,
jigar ka khoon de de kar ye boote hum ne paale hain.

Rulaati hai mujhe raaton ko khaamoshi sitaaron ki,
niraala ishq hai mera niraale mere naale hain.

Na poochho mujh se lazzat khaanamaan-barbaad rehne ki,
nasheman sainkadon maine bana kar phoonk daale hain.

Umeed-e-hoor ne sab kuchh seekha rakha hai waaiz ko,
ye hazrat dekhne mein seedhe-saadhe bhole-bhaale hain.

Mere ashaar aey ‘iqbal’ kyon pyaare na hon mujh ko,
mere toote hue dil ke ye dard-angez naale hain. !!

no likes.

Posted on February, 10 2018 07:51:21 PM


Naqvi


Age: 31 Male
1871 days old here
Total Posts: 4038
Points : 233

Location:
attock, Pakistan

Status : Online
Fitrat ne na bakhsha mujhe andesha-e-chaalaak,
rakhti hai magar taaqat-e-parwaaz meri khaak.

Woh khaak ki hai jis ka junoon saiqal-e-idraak,
woh khaak ki jibreel ki hai jis se qabaa chaak.

Woh khaak ki parwaa-e-nasheman nahin rakhti,
chunti nahin pehna-e-chaman se khaas-o-khaashaak.

Iss khaak ko allaah ne bakhshe hain woh aansoo,
karti hai chamak jin ki sitaaron ko araq-naak. !!

no likes.

Posted on February, 10 2018 07:51:43 PM

  • Page 1 of 1
  • 1